思想之夜 2021

『思想之夜』重臨香港!今年我哋仲同香港藝術館共同舉辦呢項盛事!2021年嘅主題係『ST[ART] AGAIN 重新啟動』,目的係要思考著名嘅藝術家同文化機構喺藝術當中扮演嘅角色。

1月28日星期四下午6點到10點,準時喺香港法國領事館Facebook同大家見面!

『思想之夜』呢項盛事,首先喺2016年喺巴黎創辦。每年一月嘅第三個星期四,喺法國文化中心(Institut Français)嘅鼎力支持下,嚟自唔同國家同地區嘅參加者聚首一堂,互相交流法國嘅辯論文化。除咗香港,參加呢項盛事嘅仲有多達90個國家或地區,包括首爾、洛杉磯、東京、巴黎、新加坡、紐約,合共220個『思想之夜』!

喺香港,自2018年,我哋每年一直同唔同嘅本地夥伴合作,包括亞洲協會(2018,人工智能),香港知專設計學院(2019,直面當下)以及聖雅各福群會(2020,活在當下)。

每年,嚟自世界各地嘅哲學家、作家、 研究員、學者、學生、藝術家、政治人物共同向大家展示佢哋對現今社會嘅見解,以及佢哋對未來喺平等機會、環境保護、城市規劃、科學研究、政策路向以及科研創新等各方面挑戰提供嘅解決方案。

點擊進入香港法國領事館 Facebook 專頁同埋 website! 





Spread the love!